प्रकाश टन्डन (गुल्मी)
गुल्मी जिल्लाको सदरमुकाम तम्घासमा रहेको गन्डकी डिजिटल फोटो स्टुडियो ले २० औ बर्ष पार गरेको छ । उक्त अबसरमा फोटो स्टुडियोका ब्यबस्थापक मेघराज पन्थी ले फरक क्षमता भएका बिद्यार्थीहरुलाई सहयोग गरेका छन् । उपल्लो तम्घासमा पढने फरक क्षमता भएका बिद्यार्थीहरुलाई दिवा खाजा तथा शैक्षिक सामाग्री सहयोग गरेका हुन । उपल्लो तम्घास माध्यमिक बिद्यालयमा ३० जना फरक क्षमता भएका बिद्यार्थीहरुले आवास सहित पढ्दै आएका छन् ।
वार्षिक उत्सवको अबसरमा फरक क्षमता भएका विद्यार्थीलाई हौसला प्रदान गर्न सहयोग गरेको पन्थीले बताए । गण्डकी डिजिटल फोटो स्टुडियोका व्यवस्थापक पन्थीले बिद्यालयमा एक कार्यक्रम राखेर दिवा खाजा तथा शैक्षिक सामाग्री सहयोग गरेका हुन् । बिभिन्न उत्सवहरुलाई फजुल खर्च गरेर मनाउनु भन्दा समाजमा रहेका असहाय, अशक्त तथा फरक क्षमता भएकाहरुलाई सहयोग गरेर मनाउनु पर्छ भन्ने मान्यतालाई विकास गर्न सहयोग गरेको पन्थीको भनाई छ । आफनो पसलको वार्षिक उत्सवको अबसर पारेर बिद्यालयमा रहेका फरक क्षमताका विद्यार्थीलाई सहयोग गरेको भन्दै बिद्यालयकी प्रधानाध्यापक पिङ्की भुसालले धन्यवाद दिइन् । उनले फरक क्षमता भएका बिद्यार्थीहरुलाई समाजका सबै क्षेत्रको सहयोग उक्तिकै रहेको बताइन् । पछिल्लो समयमा यस उपल्लो तम्घास माध्यमिक बिद्यालयमा बिभिन्न संघ संस्थाहरुले आफ्नो बिभिन्न अबसर पारेर सहयोग गर्ने गर्न थालेका छन् ।
Be the first to comment