साबित्रा पौडेल , चैत २६ गुल्मी ।
गुल्मीमा एक दिने बृहत नि:शुल्क स्वास्थ्य शिविर संचालन हुने भएको छ ।
जिल्लाको गुल्मीदरबार गाउँपालिका वडा नं ६चारपालामा एक दिने बृहत नि:शुल्क स्वास्थ्य शिविर संचालन हुने भएको हो ।
गुल्मी चारपाला रुपन्देही सम्पर्क समाजको आयोजना, गुल्मीदरबार गाउँपालिकाको समन्वय र साझा हस्पिटल रुपन्देही ८ बुटवलको प्राविधिक सहयोगमा शिविरको आयोजना गरिएको हो ।
शिविरमा महिलारोग बिशेषज्ञ सेवा , हाडजोर्नी तथा नसारोग बिशेषज्ञ सेवा , फेमिली फिजिसियन सेवा , सुगर परिक्षण , निदान गरिएको रोगको नि:शुल्क औषधी वितरण सेवा लगायतका सेवा प्रदान गरिने छ ।
शिविर यही चैत २९ गते बिहीवार इश्वरी मन्दिराको प्राङ्गणमा बिहान ८ बजेदेखी सुरु हुनेछ ।
शिविरमा डाक्टर प्रदिप कुमार श्रीवास्तव , डाक्टर लक्ष्मण शर्मा , डाक्टर जीवन थापा , डाक्टर कृष्ण खनाल , डाक्टर संगिता पाण्डे , डाक्टर नियम मुसलमान , डाक्टर प्रवेश्वर घिमिरे , डाक्टर विकास अर्याल लगायत साझा हस्पिटल प्रा लि बुटवल र गुल्मी अस्पातलमा कार्यरत बिशेषज्ञ डाक्टरले सेवा दिनुहुनेछ ।
Be the first to comment