मिरा ट्र्स्टले गर्यो एकल महिलालाइ बलाङ्केट बितरण (भिडियो सहित)

प्रकाश टन्डन (गुल्मी) निरन्तर समाज सेवामा लागिरहेको मिरा ट्रस्टले गुल्मी दरबार गाउपालिकामा एकल महिलाका लागि बलाङ्केट बितरण गरेको छ । हरेक बर्ष नेपालमा चिसोका कारण धेरैको ज्यान गैरहेको बेला मिरा ट्रस्टले चिसोलाइ मध्यनजर गर्दै एक विशेष कार्यक्रम आयोजना गरि बलाङ्केट वितरण गरेको हो ,

कार्यक्रमको उत्घाटन कार्यक्रम सभापति हेमलाल शर्माले फुलको गमलामा पानी हालेर गर्नुभएको थियो । कार्यक्रममा प्रमुख अतिथि गुल्मी दरबार गाउपालिका वडा नम्बर ६ का वडाअध्यक्ष हिरा बहादुर खत्री , साथमा अतिथि इन्द्र बहादुर थापा , हरि बहादुर कार्की , सोनु देबि कार्की , जिबलाल पौड्याल , सरोज कुमार थापाको उपस्थितमा कार्यक्रम सञ्चालन भएको थियो । कार्यक्रममा मिरा ट्रस्टका सस्थापक हेमलाल शर्मा भुसालले सस्था गैर नाफामुलक र गैर राजनितीक भएको र नितान्त समाजसेवामा अग्रसर रहेको बताउनुभएको छ, कार्यक्रममा बोल्दै भुसाल्ले मिरा ट्रस्टलाइ देशव्यापी बनाउने र सहारा नपाएकाहरु र आर्थिक कमजोर भएर विभिन्न समस्यामा परेकाहरुको सारथि बन्ने र आगामी दिनमा यस्तै विभिन्न सहयोगका कार्यक्रम सञ्चालन गर्ने भुसालले बताउनुभएको छ । मिरा ट्रस्टले एकल महिलाको लागि ४० थान बलाङ्केट बितरण गरेको हो ।

एकल महिलाहरुले मिरा ट्रस्ट हाम्रो सारथि भएको र यो जाडो महिनामा घामको काम गरेको बताएका छन । कार्यक्रम श्री गंगा आधारभुत बिद्यालयको सभाहलमा भएको थियो भने कार्यक्रम मिरा ट्रस्टका महासचिब राम चन्द्र पौड्यालले सञ्चालान गर्नुभएको थियो ।