रामकृष्ण कडेल , असार ४ गुल्मी
एकीकृत बालरोग ब्यबस्थापन सम्बन्धी शिघ्र कुपोषणको लागि बहिरङ्ग उपचार सेवा गुल्निदरबार गाउपालिकाको गौडाकोट स्वास्थ्य चौकिमा शुभारम्भ भएको छ । शुक्रबार एक समारोहका बिच गुल्मिदरबार गाउपालिकाका अध्यक्ष सरोज कुमार थापाले २ जना कुपोषित बच्चालाइ RUTF प्रदान गर्दै सेवाको शुभारम्भ गर्नुभएको हो । उदघाटन मन्तब्य राख्दै अध्यक्ष थापाले स्वास्थ्य र पोषणको लागि गाउपालिकाले उच्च प्राथमिकताका साथ कार्यक्रम ल्याउने जनाउदै मोटरबाटो, खानेपानी लगायतका पुर्बाधार मात्र नभई स्वास्थ्य,शिक्षा,कृषि,पशु लगायतका सेवाको बिस्तार गर्नु नै वास्तविक बिकास भएको औल्याउनुभयो ।
कार्यक्रममा बोल्दै स्वास्थ्य कार्यालय गुल्मिका प्रमुख पशुपती आचार्यले स्वास्थ्य तथा पोषणको क्षेत्रमा गुल्मिदरबार गाउपालिकाले नबिनतम कार्यक्रमहरु सन्चालन गरि देशमै उदाहरणिय बनेको जनाउनुभयो । कार्यक्रममा बोल्दै सुआहारा गुल्मिका पोषण अधिकृत लिल बहादुर नेपालिले गुल्मीदरवार गाउपालिकाका स्वास्थ्य तथा पोषण् सम्बन्धी कार्यक्रमहरु सबैको लागि नमुना बनेको बताउनुभएको थियो । अति शिघ्र कुपोषणको उपचारको लागि गुल्मी जिल्लामै पहिलो पटक यो सेवाको सुरुवात गरिएको छ | सेवा सुरु हुनुपुर्ब गुल्मी जिल्लाका कुपोषित बच्चाहरुको उपचारको लागि सेवा लिन पाल्पा र बुटबल जानुपर्ने बाध्यता थियो ।
उदघाटन कार्यक्रममा ,जनप्रतिनिधी,स्वास्थ्यकर्मी, स्वास्थ्य चौकी सन्चालन तथा ब्यबस्थापन समितिका पदाधिकारिहरु , महिला सामुदायिक स्वास्थ्य स्वायमसेविका , सेवाग्राही लगायत उपस्थिती रहेको थियो | गुल्मिदरबार गाउपालिकाका वडा न ३ का अध्यक्ष राम बहादुर थापाको अध्यक्षता,गाउपालिका अध्यक्ष सरोज कुमार थापाको प्रमुख आतिथ्यता,उपाध्यक्ष तारा थापा र स्वास्थ्य कार्यालय गुल्मीका प्रमुख पशुपती आचार्य विशिष्ट अतिथी रहेको उक्त कार्यक्रममा गौडाकोट स्वास्थ्य चौकिका प्रमुख भेषराज पाण्डेको स्वागत मन्तब्य र कार्यक्रमको सहजिकरण गुल्मिदरबार गाउपालिकाका स्वास्थ्य अधिकृत नारायण प्रसाद अर्यालले गर्नुभएको थियो ।
Be the first to comment