प्रकाश टन्डन (रुपन्देही)
गुल्मी चारपाला रुपन्देही सम्पर्क समाजको तेस्रो साधारण सभा तथा बनभाेज कार्यक्रम शनिवार सम्पन्न भएको छ । जेष्ठ नागरिक जग्ननाथ पाैडेलकाे प्रमुख अतिथीमा कार्यकमकाे उद्धाटन गरिएकाे थियाे । सभामा प्रगती प्रतिवेदन प्रस्तुत गर्दै समाजका अध्यक्ष हुमनाथ ज्ञवालीले आगामी वर्षमा समाजको कार्यक्षेत्र विस्तार गर्ने र थप योजना सहित अघि बढ्ने बताए । उनले वर्षभरि समाजले , गुल्मी र रुपन्देही दुवै जिल्लामा सेवामुलक सामाजिक काम गरेको भन्दै निरन्तर यस्ता कार्य गरिरहने जानकारी दिए ।
त्यस्तै, आय व्ययको प्रतिवेदन प्रस्तुत गर्दै कोषाध्यक्ष काजीमान टण्डनले सदस्य र सल्लाहकारहरुको संकलनबाट जम्मा ७६४८१३ हाल सम्म बैक खातामा रहेकाे र यसैबाट कार्य गर्न सकिरहेको जिकीर गर्दै आगामी दिनमा कोष नै खडा गरेर सामाजिक अभियान चलाउने बताए । समाजले आफ्ना सदस्यहरु संगको भेटलाई निरन्तरता दिन उदेश्यका साथ हरेक बर्ष जस्तै यस बर्ष पनि बनभाेज तथा मिलन कार्यक्रम पुस २४ गते राखेकाे थियाे। साेहि अबसरमा आजिवन सदस्यलाई प्रमाण पत्र वितरण गरिएको जानकारी दिए । वनभोजको अवसरमा चम्चा दौड, बेलुन फुटाउने रेस र चियर रेस तथा सांस्कृतिक कार्यक्रम समेत आयोजना गरिएको वनभोज कार्यक्रम संयोजक काजीमान टण्डनले बताए ।
चम्चा दौडमा अञ्जल मगर प्रथम भएकी थिईन भने बिहान महोत्रा द्धितीय पुरस्कार प्राप्त गरे ।त्यस्तै, बेलुन फुटाउने खेलमा चिन्ता शिव बस्नेत प्रथम भएको खेल संयोजक ढबल बहादुर कार्कीले जनाए । त्यस्तै, चियर रेस प्रतियोगितामा दिपा कुवर प्रथम र मनु खत्री दृतिय भएको बताए । कार्यक्रममा समाजका सल्लाहकार अधिबक्ता गाेकर्ण सिह थापा , गोबिन्द अर्याल, सावित्रा टण्डन, हिरा अर्याल, लक्ष्मण अर्याल, धर्मबीर खत्री, टिकाराम पन्थी लगायतको उपस्थिती थियो । यसैगरी समाजका आजीबन सदस्य सहित ३ सय जनाको सहभागिता रहेको कार्यक्रम सफल बनाउन विदेशमा रहेका समाजका सदस्यहरु विमल कार्की (बिजुली) बाट २ हजार ५ सय रुपैयां, समाजका उपाध्यक्ष उषा खत्रीले स्वागत गरेकी थिइन् भने सचिव विकास टण्डनले कार्यक्रम संचालन गरेका थिए ।
Be the first to comment