बुटवल, माघ १४ ।
गुल्मी चारपाला रूपन्देही सम्पर्क समाजको अध्यक्षमा उषा खत्री चयन हुनुभएको छ । समाजको बुटवलमा भएको चौथो साधारण सभा तथा दोस्रो अधिवेशनले खत्रीको नेतृत्वमा नयाँ समिति चयन गरेको हो ।
समाजको उपाध्यक्षमा ढक बहादुर टण्डन,सचिवमा विकास टण्डन,सह सचिवमा सबिना टण्डन,कोषाध्यक्षमा काज़ीमान टण्डन चयन हुनुभएको छ । त्यस्तै सदस्यहरुमा सुदीप ज्ञवाली ,गंगा ज्ञवाली,केशब भुसाल, हरि कुमार श्रेष्ठ,कुल बहादुर महत,नर प्रसाद श्रेष्ठ,रमेश कार्की,कुल प्रसाद भुसाल रहनुभएको छ ।
त्यसअघि भएको साधारणसभा लुम्बिनी प्रदेश सांसद धनेन्द्र कार्कीको प्रमुख आतिथ्यतामा भएको हो ।सो अवसरमा बाेल्दै प्रदेश सांसद धनेन्द्र कार्कीले सहकार्य र एकताले मात्रै सामाजिक काममा अघि बढ्न सकिने बताउनुभयो । उहाँले समाजले राम्राे काम गरिरहेको भन्दै आफ्नाे तर्फबाट सधैँ सकारात्मक सहयोग रहने बताउनुभयो ।
गुल्मी दरबार गाउँपालिकाका अध्यक्ष सरोज कुमार थापा, सल्लाहाकार हेमलाल शर्मा भुसाल, सल्लाहकार अधिबक्ता गोकर्ण सिंह थापा, हुमनाथ ज्ञवाली,कोषाध्यक्ष काज़ीमान टण्डन लगायतले बोल्नुभएको थियो ।
सो अवसरमा एकल महिला सम्मान कोपिला महत् ,वृद्ध व्यक्ति सम्मान मुमाकला रायमाँझी ,नृत्य कृषा रायमाँझी, मुटुमा प्वाल परि उपचाररत सहयोग रकम निर्मला बुचालाई १० हजार १ सय ,त्यस्तै रूपा दर्लामीको किडनी ख़राब भएकोले समाजको तर्फ़बाट १० हजार १सय, निर्मला टण्डनको तर्फ़बाट नगद ५ हजार सहयोग गरिएको थियो ।
निर्वाचन मण्डलमा संयोजकमा अधिवक्ता गोकर्ण सिंह थापा ,हेमलाल शर्मा भुषाल ,लक्ष्मण अर्याल रहनु भएको थियो । सल्लाहकार सबित्रा टण्डन, हीराधर अर्याल, टीकाराम पन्थी, कर्ण बहादुर टण्डन, ईमान सिंह के सी, शंकर ज्ञवाली बल बहादुर टण्डनको समेत सहभागिता रहेको थियो ।
Be the first to comment