२५ हजार नहुदा १० महिना देखि उपचारबाट बन्चित

 सुवास वि सी । १८ फागुन ,बुटवल ।

पातलो शरीर,मलिलो कपडा ।कल्सौदो अनुहार,झ्याप हेर्दा मधेसी वासिदा जस्तो देखिने । वर्ष २५ का शिव पुजन लोहर । उनी शिवराज नगरपालिका-७,जुम्ली कपिलवस्तुमा बस्छन । उनको अहिले दुबै मृगौलाले काम गर्दैन । करिब १० महिना देखि लुम्बिनी प्रादेशिक अस्पताल बुटवलमा डाइलोसिस गर्दै आएका छ्न । गत वर्षको होलिमा थरीथरिको रंगसंगै रमाउदै थिए,अर्को दिनबाट एक्कसी हातखुट्टा शरीर सुन्निन लाग्यो । नजिकको मेडिकलमा चेकजाँच गरेको मृगौलामा समस्य छ भन्यो,बुटवलमा उपचार गर्न सल्लाह दिए ।

लुम्बिनी प्रादेशिक अस्पतालमा चेकजाँच गरेको दुबै मृगौलाले काम गर्न नसक्ने ,अब तुरुन्तै डाइलासिस गर्नु पर्छ डाक्टर भन्नू भयो । गोजिमा २ हजार थियो । इमर्जेन्सी डाइलासिस गर्नका लागि घाटिबाट गर्नु पर्ने थियो । ५/७ हजार खर्च लाग्थ्यो । त्यति पैसा नभएर म घर फर्के शिवले भने । आफन्ताको सहयोग र गाउँबाट चंदा उठाएर मेरो पहिलो डाइलासिस भयो । डाक्टरले छिट्टै हातमा फिस्टुला बनाउन सल्लाह दिनु भयो । चंदा उठाएर डाइलासिस सुरु गरेको म, छिट्टै फिस्टुला बनाउन सक्ने अवस्था थिएन उनले भने । चार दाजु भाई,तीन दिदिबहिनी मध्ये साईलो छोरा हुन शिव। तीन दिदीबहिनिको बिहे भै सक्यो । एक दाइ अलगै बस्नु हुन्छ । एउटा दाइले पलाई कम्पनीमा काम गर्नु हुन्छ,एक भाइ अहिले ७ कक्षामा पढ्दा पढ्दै भारत जागिर गर्न गएको छ उनले भने । बुबा आमा वृद्ध हुनुहुन्छ । काम गर्न सक्नु हुन्न । आम्दानीको स्रोत केही छैन । माइलो दाइको कमाइले जनतन घर र मेरो उपचार चलेको छ उनले भने । घाटिबाट डाइलासिस लामो समय सम्म गर्न खतरा हुने डाक्टरको सुझाव छ ।

तर शिवले १० महिना सम्म घाटिबाट नै डाइलासिस गर्दै आएका छ्न । कारण आर्थिक अभाव नै हो । डाइलासिस गर्न आउन जान नै पैसा पुग्दैन,कसरी फिस्टुला बनाउने , उनले भने । डाक्टरको बारम्बारको सल्लाह,नर्सको सुझावमा चंदा संकलन गरि करिब ५ महिनामा फुस्टुला बनाउने निर्णय गरे । भैरहवा मेडिकल कलेजले १६ हजारमा फिस्टुला बनायो । तर एक महिना नहुदै फिस्टुलाले काम गरेन, फेरि पनि बनाउन गए ७ हजार खायो । तर फिस्टुला बनेन, अहिले फिस्टुला फुटेर हात सुन्निएको छ उनले भने । “अहिले शरीरमा पानी पल्टेको छ,खुट्टा डर लाग्दो तरिकाले सुन्निएको छ । कुन दिन अकाल्मै ज्यान जाने हो थाहा छैन “रुदै उनले भने । बल्ल २५ वर्षको भए,कति सपना थिए, अहिले यो हालतमा छु । बाच्छु भन्ने आश मरि सक्यो । भक्कानिदै रुन थाले, नगरपालिकामा आर्थिक सहयोगका लागि गए,मेयरले १ हजार दिएर पठाए । हुन त नगरपालिकाले डाइलासिस गर्न आउन जान यातायात दिएको छ । त्यसैले सहज भएको छ । बायाँ हातको फिस्टुला फुट्यो,घाटिबाट गर्दा पाकेर खतरा भएको छ । पैसा छैन अर्को बनाउन । मर्ने त होला भन्दै रुन थाले, ” गाउँको एक जानले २०/२२ दिनका लागि फिस्टुला बनाउन पैसा दिनु भयो । काठमाडौ गएर फिस्टुला त बनाए,अब कसरी त्यो पैसा तिर्ने होला भनेर रात भरी निद्रा लाग्दैन ।” रुदै उनले भने । “म बाच्न चाहान्छु, कृपया मलाई बचाईदिनु” आर्थिक सहयोग गरि मेरो आयु थप्दिनुहुन सम्पूर्ण नेपालीलाई हार्दिक अपिल गर्दछु ।” उनले भने ।

नेपाल सरकारले मृगौला फेल भएका बिरामिलाई डाइलासिस निशुल्क गरेको छ। अति गरिब तथा विपन्नका लागि निशुल्क डाइलासिस सेवा लिन सक्ने अवस्था पनि छैन । त्यसैले अकाल ज्यान गुमाउन बाध्य छन नागरिक । सहयोगका लागी : विरामीको नाम : शिव पुजन लोहार ठेगाना :शिवराज नगरपालिका-७,जुम्ली कपिलवस्तु मोबाइल नम्बर : 9827534751 बैक : नेपाल इन्भेष्टमेन्ट मेगा बैक खाता नम्बर : 28005390251136 ( चन्द्रौटा शाखा )